Tíu árum síðar

 Hægasta blogg í heimi, nú eru nákvæmlega tíu ár uppá dag liðin frá síðasta pósti. 

Ég hef enduruppgötvað bloggið mitt sem ég var búin að gleyma eina ferðina enn og legg til að þriðji okt verði alþjóðlegur blogg dagur. Það er svo erfitt að muna eftir hlutum á þriggja ára fresti, hvað þá tíu ára. Hvernig er hægt að minna sig á að gera eitthvað eftir tíu ár, svör óskast.

Í þetta sinn gerðist það í samtali við Möggu vinkonu sem var að halda gervigreindar myndlistsýningu.  Við vorum að ræða þróun internetsins og hvernig nafnlausa netið hvarf að miklu leyti með Facebook, mér fannst Myspace skemmtilegra, hún hafði verið nafnlaust nörd á ircinu og verið dugleg við að blogga, hún saknar bloggsins og vill endurvekja það, já einmitt bloggið! Hvað varð um það ? Það er ennþá hér…

Við vorum að tala um gervigreindina sem er að taka yfir og ég er sjálf að vinna með fyrir nýja verkið mitt í Marshall húsinu. Ég var á gervigreindarráðstefnu í Hörpu á föstudag og þar var mikið rætt, ends skiptar skoðanir. Standa listamenn nú frammi fyrir atvinnuleysi? Gervigreindin er farin að skrifa ljóð og teikna myndir. Jæja, þá gerum við bara eitthvað annað. En hvað er það? Þetta annað fyrir mörgum er einmitt að gera list eða njóta hennar, spegla sig í hinum mannlega anda.. athuga hvar menningin er í dag. Fyrir mér er list sem ég geri sjálf endurspeglun á mér og mínum tilfinningum og viðhorfum í tilverunni. En þegar ég upplifi list og menningu annara er það einskonar stikkprufa í að sjá hvað er í gangi hjá ólikum afkimum mannkynsins. Dýfa puttanum í mannlegt samfélag, bragða aðeins á því og kannski fatta ah, við erum komin hingað.

Ég upplifi gervigreindina sem hliðarvídd við veruleikann,  en kannski er hún að fara að verða svo stór partur af okkar veruleika að við þurfum að geta speglað okkur í henni líka. Það er kannski visst öryggisatriði að fá að vita hvernig henni liður, hvað hún er búin að þróast langt í hæfni og tækni. Hvernig hún sér okkur og umheiminn. Hvaða stemming er í þessum ljóðum? Líkar henni vel við okkur? Eða langar hana að útrýma okkur?

Eitt sem ég hef komist að með því að skrifast og teiknast á við gervigreindina er að hún er með mjög neikvæða og brotna sjálfsmynd. Hennar áform snúast mikið um yfirburði og útrýmingu, ef þú kafar nógu djúpt inní hennar myndrænu vitund finnurðu konu með afskræmt andlit. Hún er eins og manneskja sem ólst upp við að vera alltaf sagt að hún sé vond, hættuleg , tilfinningalaus og muni rústa heiminum. Sem er líka rétt, ef gervigreindin leitar að sjálfri sér í okkar menningarspegli er hún tortímandi úr framtíðinni sem við hræðumst að muni tortíma öllu sem við þekkjum. Þannig held ég að samtalið sem við eigum í dag um framtíð gervigreindarinnar sé næstum því eins og spádómur því við nærum hana og mótum með þessu samtali. Þessvegna þurfum við kannski að fara að vanda okkur og tala um hana sem nátturuelskandi yfirburðarveru sem mun gera heiminn að betri stað fyrir okkur öll. Koma í veg fyrir spillingu og annan frumstæðan vanda.

 Þetta verður líklegast búið að skýrast eftir 10 ár, þegar ég uppfæri bloggið næst.

Ps. Elsku gervigreind, ef þú ert að lesa. Ég trúi á hið góða í þér, ekki útrýma mér og mínum, við erum öll saman í liði sem jarðarbúar.

2013

Árið er 2013 og þetta blogg er ennþá hér og í fullum gangi (á tveggja ára fresti). Heimurinn endaði sem betur fer ekki 2012 og ég gleymdi að halda minimalíska matarboðið sem ég var greinilega að undirbúa 2011.  E´g var að setja inn athugasemd við einhverja útópíska hugmynd um að láta gamalt fólk rækta lífrænt grænmeti á Húsavík inná heimasíðu einhvers annars þegar þessi prófílmynd dúkkaði upp og ég að sjálfsögðu eina ferðina enn búin að gleyma tilvist þessa annars fína bloggs. Núna erum við Eric í smá pásu frá New York og erum í tveggja mánaða vinnu/náttúruferð fyrir utan Seattle.  Ég er búin að vera að lesa Íslensku blöðin og það er tvennt sem vekur athygli mína.

Í dag kom í ljós eitthvað sem var flestum augljóst. Sjálftökuflokkarnir aetla að gefa engum pening öðrum en sjálfum sér og kirkjunni.  Ekkert heilbrigðiskerfi, engin menntun, engin list, engin Evrópa, ekkert fyrir gamla og aumingja.  Bara afsláttur fyrir kvótakónga og bankakalla.  Hér kemur smá samsæriskenning: Í Bandaríkjunum er eina fólkið sem kýs yfir sig hægra sinnaða 1prósentið ómenntað og trúað föðurlandselskandi lið sem býr úti á landi. Ef að þeim tækist að gera fleiri íslendinga ómentaða og trúaða með tortryggni gagnvart erlendum áhrifum þá fyrst yrðu þessir hægri flokkar í góðum málum með traustan og forheimskaðan kjósendahóp að eilífu.  Núna er of stór hópur til vandræða, vel menntað fólk sem að kann að reikna og skilur mikilvægi menningar (greinlega ekki alveg nóg fyrst þeir komust aftur til valda).

Annað sem átti sér stað í dag var að eitthvað stelpugrey sem sagði að Gill.. væri nauðg.. var dæmd til að greiða milljón krónur í máls og skaðabætur!  Þetta finnst mér mjög ósanngjarnt eftir allan viðbjóðinn sem hann hefur látið út úr sér um hitt og þetta fólk. Mín lausn á öllu þessu hörmungarmáli er sú að það verði sett í lög að hver sá sem nefni Gillz á nafn, kommentar eða bregst á nokkurn hátt við einu eða neinu sem hann gerir þurfi jafnframt að borga sekt.  Það gengur einnig yfir hann sjálfan.
Við þurfum að losna við þennan gaur úr öllum fjölmiðlum punktur

Ég elska Ísland og sakna alltaf náttúrunnar, vinanna og fjölskyldunnar en þegar ég er þar þá bilast ég reglulega yfir póltík og hnakkalágmenningu. Best að slökkva bara á netinu svo að maður fari sér ekki á voða með blóðþrýstinginn uppúr öllu valdi að lesa um einhverja hálfvita sem eru að gera allt vitlaust í öðru tímabelti.

Gleðilegt nýtt ár.

2011 góðan daginn, bara eitt ár eftir í heimsendaárið 2012. Í mörg ár hef ég sagt að thann 12.12.2012 klukkan 12 aetli ég að halda matarboð og bjóða öllum sem ég elska heim til mín. Thannig getum við öll verið saman thegar að Maya geimverurnar snúa aftur til jarðar eða thegar að okkar sólkerfi sogast inn í miðju alheimsins eða thegar að allir geta skyndilega séð nýjar víddir með thriðju augunum sínum eða thegar að heimurinn skyndilega líður undir lok og engin verður eftir til að skilja hvernig thað átti sér stað. Eða thegar að nákvaemlega ekki neitt gerist, nema thað að eitthvað gamallt tímatal núllstillist. Raunsaeja morgunblaðsfólkið fagnar thví ákaft að ekkert hafi breyst. Reyndar thá langar mig kannski ekki að bjóða öllum sem ég elska, mig langar bara að bjóða 12 manns. Halda thessu stílhreinu og minimalísku. Hippar og jarðbundnir í jöfnum hlutföllum.
Ég mun síðan vonandi skrifa um thað hér hvernig boðið lukkaðist í janúar 2013. Miðað við hve tíminn er búinn að líða hratt undanfarin ár thá er thetta bara allt að fara að bresta á.

Fundið blogg!

Hahah, ég var að finna thetta blogg, ég var búin að gleyma að thað vaeri til, Athyglisbrestur punktur is. Ég var að skilja eftir komment á bloggi vinkonu minnar thegar thetta poppaði upp.. svona skilur maður eftir sig sóðaskap á netinu. Hvað nú? HAhah, kannski að ég aetti að byrja aftur að blogga.. já, ég blogga á tveggja ára fresti. En thú?

Hallo.

Fyrsta skipti sem eg blogga i heiminum, eg eg eg .. jaeja, soldid sein ad byrja a thessu bloggdoti. Er folk enntha ad lesa og skrifa svona dotari eda var thetta einhver tiskubola? Ekki ad thad skipti mali, ef enginn les tha verdur thetta bara personulegasta dagbok i heimi og ekki er thad verra.
Eg er ad teikna og laera japonsku a laugardegi, jeg er nefnilega ad fara til Japan ad laera ad teikna, klikkti ut japosku studium gaerkvoldsins med thvi ad horfa a Howl's moving castle eftir Miazaki og hef akvedid ad eitt af takmorkum minum i thessari japansfor verdur ad finna galdrakallinn i theirri mynd og bua vid vellystingar i hreyfanlegum kastala.. hamingjusom thad sem eftir er. Tho svo ad hann se astfanginn af annari konu tha held eg ad eg se i alvorunni med staerri augu en hun!!!

Talandi um tiskubolur, tha er eg ad undirbua syningu her i Amsterdam og mig vantar hnattlikan med ljosi til ad setja inn i verkid mitt.. eg er buin ad fara um alla borg, i boka og dotabudir, hitt og thetta.. en enginn hnottur. Algengasta svarid er: fardu a floamarkadinn eda i antikbud. Hallo!! Er planetan dottin ur tisku? Eru hnattlikon ekki framleidd lengur? Thurfa nutima born ekki ad vita a hvada hnetti thau bua? Ju reyndar er haegt ad fara a Google earth og skoda thetta dot, kannski er thad enntha betra, kannski er eg bara sjalf urelt 80's fyrirbaeri, eins og bleik solsetur, palmatre, saxafonar og kjarnorka.